madona
صاحب المنتدى
عدد المساهمات : 36
نقاط : 1599
كفاءة العضو : 3
تاريخ التسجيل : 20/04/2009
 |  موضوع: >>>رباعيات صلاح جاهين ,,,((الحلقه السادسه))  الأربعاء مايو 13, 2009 1:52 am | |
|
يا ملَوّنين البيض في شم النسيـــــم
لُون الحنين و الشوق و خمر النديم
ما تعرفوش سايق عليكو النبــــــي
تلوّنوا الأيام بلون النعيــــــــــــــم ؟
عجبي!!
الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور
عجبي !
قطي العزيز راقد على الكنبــــــات
في نوم لذيذ .. و بيلحس الشنبات
و انا كل عين فنجان مدلدق قلــق
صدق اللي قال إن الحياة منابات
عجبي !!
قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي !!!
سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهــــوه
يطلع كلام سلام .. و سلام كلام
عجبي !!!!
فوق تحت . ورا أُدام . يمين شمـــال
في الجو . تحت الميه . أو في الرمال
طلب الكمال يحرم على الممـــــــــكن
و الممكنات دول محرومين م الكمال
عجبي !!!
| |
|
